reflection-paper:

Alam mo kung anong problema? Inuuto lang tayo ng mundo! Ipinaparamdam lang sa atin na madaming mali sa atin at mababang klase tayong tao dahil pilit na isinisiksik sa atin ng mundo na eto, to ang basehan para masabing maganda ka. Eto, ito ‘yung basehan para masabi na “in” ka.. magmura ka, para masabi na astig ka. Maging garapal ka para magustuhan ka ng karamihan. Dapat cool ka para mahal ka ng lahat. Ang totoo? Niloloko lang tayo ng mundo. Sino bang umimbento ng ganyang standard? Dapat ba talaga sexy ka? Dapat ba mahaba ang buhok at pilikmata? Dapat ba makinis ang balat? Dapat ba may picture kang halos hubad para mahalin ka ng lahat? Hindi naman di ba?

Bakit hindi mo subukang sabihin sa sarili mo na “Maganda ako. Kasi pinanganak akong ganito. At tanggap ko na hindi ako magiging kasing sexy niya o kasing kinis niya. Pero maganda ako. Hindi man makita ng lahat. Pero sa mga mata ng Lumikha sa akin, Maganda ako.” ‘Wag kang masyadong magpaniwala sa standard ng mundo. Minsan, inuuto na lang tayo.